Germany don pour pepper for Naija face

Share it:
– Naija parole for football for the 2016 Rio Olympics don finish as Germany don bilala Dream Team Kommot
– Germany knack Naija 2 kondo for head and na Lukas Krostermann be the guyman wey score the goal
Naija waka to win gold for this year Rio Olympics for football don finish on Wednesday night as Germany don bilala the Dream Team kommot for the semi final.
Lukas Klostermann na hin first score for Germany when the match enter 10 minute, and na for the time wey plenty Naija fans bin dey think say Naija go equalise na hin.
Germany players celebrate their first goal

Germany players celebrate their first goal

The match pain plenty Naija people for body sake of say dem bin wan make their boys carry the cup come Naija, but ground no level for them as Germany show swagger pass Naija.
E never tay sef when the referee blow whistle for the first half na hin kasala wan burst for Naija if no be Ekong wey clear the ball kommot.
As Germany kon see say Naija dey play ball like aje butter, na hin Lukas kon waka go score the first goal for the 10 minute.
Walahi, Naija see better chance wey dem for take equalise when the match enter 11th minute, but Sadiq Mohammed troway am and naso plenty Naija fans kon dey curse am.
Chelsea midfielder John Obi Mikel also see better chance wey the guyman for take score when the match enter 30 minute, but na one Germany defender na hin no make the ball enter net.
Na 1-0 na hin dem take finish the first half, and naso Naija fans kon dey talk for beer parlour say the Dream Team kon score for the second half.
Nigerian players look on as Germany celebrate their first goal against the Dream Team

Nigerian players look on as Germany celebrate their first goal against the Dream Team

The second half no pure at all for Naija as Germany no gree open yarns for them even though dem try make dem score sha.
E get one better free kick wey the refiree carry give Naija for the 70th minute, and naso plenty people kon dey think say na Mikel Obi go play am, but na Madu play am and na for up na hin the guy play the ball.
Petersen na hin be the wicked man wey kon pour sand for Naija garri for the 88th minute because na the guy na hin score the goal wey Germany take win the match.
The koko now be say Naija go jam Honduras for the third place match, while Germany wey kommot Naija go enter the same trouser with Brazil for the final.

The post Germany don pour pepper for Naija face appeared first on Nigeria News today & Breaking news | Read 24/7.

Share it:

Latest Stories

Post A Comment:


We’re eager to see your comment. However, Please keep in mind that all comments are moderated according to our Comment Policy and all the links are nofollow. Using keywords in the name field area is forbidden.
Comment Using Either Disqus or Default Comment Mode.